Удмурт кылъя ортчытэм ужрадлы конспект.
Тема: йырвизез сынан шудон «Визьпогъёс»
Цельёс:
– удмурт кыллы, культуралы ӟеч мылкыд, патриотической мылкыд пыӵатон;
– удмурт кылъя, культурая но Удмурт шаеръя тодон-валанъёсты юнматон.
Ужпумъёс:
– дышетскисьёсты командаын ужаны дышетыны;
– удмурт кылъя но Удмурт шаеръя тодонъёсты юнматыны;
– удмурт кыл, шаер сярысь тодон-валанъёслэсь кулэлыксы сярысь огъян лэсьтыны.
Ортчытон форма: йырвизез сынан шудон.
Дасяськон ужъёс:
– пиналъёслы шудонэз ортчытон сярысь ялон, удмурт кыл, культура но шаер сярысь тодэ ваёнлэсь кулэлыксэ веран;
– удмурт мифъёсысь но выжыкылъёсысь геройёсын жетонъёс дасян;
– юанъёсын шудон таблица дасян;
– жюрилы балъёсын но командаослэн нимъёсынынзы таблица дасян.
Оформление: италмасэн но нылпиосын плакатъёс; доска вылын лэсьтэм шудон таблица. юанъёсысь заданиос.
Мероприятилэн планэз.
1. Целен но шудонлэн правилоосыныз тодматскон. Командаослы люкиськон.
2. Йырвизь сынан шудонэз командаос вискын ортчытон.
3. Баллъёсты лыдъян. Тросгес баллъёс люканы луонлык.
4. Йылпумъянъёс (рефлексия).
1. Целен но шудонлэн правилоосыныз тодматскон. Командаослы люкиськон.
Дышетӥсь. Пиналъёс, туннэ милям классной часмы «Визьпогъёс» нимаське. Кызьы тӥ малпаськоды, кызьы та кыл берыктӥське? Тодӥськоды на-а удмурт кылъя урокъёсысь?
Пиналъёс верало.
Шонер. Кызьы тӥ малпаськоды, мар ми туннэ мероприятиын каромы?
Пиналъёс верало.
Дышетӥсь. Умой. Табере мон тиледы жетонъёс сётӥсько. Ваньды басьтӥды? Туж умой.
Табере жетонъёсъя командаослы люкиське.
Озьыен, милям куинь команда пӧрмиз: Батыр (Богатырь), Лопшо Педунь (Весельчак) и Алангасар (Великан). Табере котькуд командаын капитанэз быръиськомы.
Туж сак шудонлэсь правилооссэ кылзэлэ. Котькуд команда турттэ тросгес балъёс люканы. Та понна юанъёслы шонер ответ сётоно. Котькуд юанлэн балъёсъя дуныз вань, малпаськыны 1 минут сётӥське. Команда янгыш ответ сётӥз ке, мукет командаос но ответ сётыны быгато. Подсказка басьтӥськоды ке, шонер ответ сётыкуды ӝыны баллъёс сётӥсько. Озьыен, пиналъёс, тӥ дасесь-а?
Пиналъёс верало.
2. Йырвизь сынан шудонэз командаос вискын ортчытон.
Дышетӥсь. Ойдолэ шудонмес кутскомы.
| Удмурт шаер сярысь | 100 | 200 | 300 | 400 | 500 |
| Сиён-юон | 100 | 200 | 300 | 400 | 500 |
| Пӧйшуръёс но пудо-животъёс | 100 | 200 | 300 | 400 | 500 |
| Паймымон удмурт кыл | 100 | 200 | 300 | 400 | 500 |
| Ӵыжы-выжыос | 100 | 200 | 300 | 400 | 500 |
Удмурт шаер сярысь
100 – Удмуртилэн шоркарез (Ижевск)
200 – Кыӵе бадӟым шур шаерамы бызьыны кутске? (Кама)
300 – Кӧня ёросъёс Удмурт Элькунын? (25)
400 – Кыӵе тылобурдо кунпус вылын возьматэмын? (лебедь - юсь)
500 – Кыӵе даурын Удмуртия Россияе пыриз? (16 в. (1558г))
Сиён-юон
100 – Та сиёнлэн нимыз кык кыллэсь пӧрмемын: ӟуч кылын возьмато «хлеб» но «ухо» (пельнянь)
200 – Котырес пыжос, дуръёсыз чепыллямын, начинка вылаз понэмын (перепеч)
300 – Та сиёнэз Масленча дыръя сиё (мильым)
400 – Та юонэз кӧс няньлэсь, вулэсь но сакырлэсь лэсьто (сюкась)
500 – Ӟуч кылэ берыктэ: пунем (пюре), кузятэм (творог)
Пӧйшуръёс но пудо-животъёс
100 – Гуртын улэ, йӧл яратэ (коӵыш)
200 – Туж кескич пӧйшур (ӟичы)
300 – Кин адямилы йӧл сётэ? (скал)
400 – Та пӧйшур вылын уйпалан ворттыло, адямиос соосты вордо (пужей)
500 – Удмурт кылэ берыктэ: петух (атас), лось (койык)
Паймымон удмурт кыл
100 – Кӧня букваос удмурт алфавитын? (38)
200 – Трос лыдлэсь суффиксэ пуктэ: адями(ос), пиналъ(ёс)
300 – Апрель толэзьлэсь удмурт нимзэ шуэ (оштолэзь)
400 – Кӧня кыл 458 числоез вераку кутӥське? (ньыль сю витьтон тямыс – 4 слова)
500 – Удмурт сиёнлэсь нимзэ шедьтэ (табань)
| Д | Т | О | К | О | К | Е |
| С | А | Р | В | П | У | Ц |
| Д | Б | А | Н | Ь | Р | Ц |
Ӵыжы-выжыос
100 – Удмурт кылэ берыктэ: «папа» (атай)
200 – Мешокысь коӵыш. Учкелэ суред шоры но шуэ, кин та кышномурт пиналъёслы луэ (песянай/ чужанай)
300 – Удмурт кылэ берыктэ: жена (кышно), муж (карт)
400 –Анайлэн вань пичи пиез, нош солэн бадӟым нылызлэн кинэз вань? (вын)
500– Кызьы нимало родной луисьтэм анаез? (сюранай)
3. Баллъёсты лыдъян. Тросгес баллъёс люканы луонлык.
Дышетӥсь. Пиналъёс, жюримы али балъёсты лыдъялоз, нош тӥ та дыр куспын быгатӥськоды на 100 балл командадылы люканы. Али ми капитанъёслэсь йырвизьзэс сыналом. Капитанъёс, потэлэ доска доры (листокъёс но ручкаос сётӥсько). Озьыен, таӵе правиломы: гожтоно Удмуртиысь ёросъёсты. Одӥг минут сётӥське. Командаос капитанъёслы уг юртто. Гожтӥськомы.
Дышетӥсь. Табере ойдолэ учкомы, умой-а капитанъёсмы районъёсты тодо.
«Алангасар» командаысь капитан, лыдӟы, мар гожтӥд (лыдӟе). Умой, 12 ёрос гожтэмын!
Нош мар милям «Батыр» командалэн? (лыдӟе). Татын 18 ёрос!Туж умой!
«Лопшо Педунь» командаысь капитан, лыдӟы тон (лыдӟе). 16 ёрос! Озьыен, 100 балл люка на «Батыр», команда, ӟечокъёс! Нош табере ойдолэ тодамы ваёмы, кӧня Удмуртиын районъёс? Ойдолэ вераломы (пиналъёс верало, кизэс ӝутыса).
Дышетӥсь. Ӟечокъёс, трос тодӥськоды вылэм Удмуртия но, удмурт кыл сярысь но.
Дышетӥсь. Али нош дыр вуиз тодыны, кыӵе команда туннэ сомой умой ужаз. Жюри, сётэлэ мыным балъёсын листокез.
4. Йылпумъянъёс (рефлексия).
Дышетӥсь. Озьыен, пиналъёс, тодэмды потэ-а, кин вормиз? Озьыен, куинетӥ милям луиз… «Алангасар» команда! 1850 балл! Туж умой ужады, ӟечокъёс!
Кыкетӥ инты 2500 баллэн … «Лопшо Педунь» - ёслэн! Ӟечокъёс!
Нош Визьпогъёс милям туннэ – «Батыр» командаысь пиналъёс! Соослэн 2650 балл! Ӟечкыласьком!
Озьыен, пиналъёс, тӥ ваньды туж умой туннэ юанъёслы ответ сётылӥды, командаен ужаны быгатондэс но визьмо луэмдэс возьматӥды. Табере ойдолэ тодомы, яраз-а туннэ шудонмы. Яраз ке – вож карточкаез ӝутӥськомы, ӧз ке – горд карточкаез (карточкаосты ӝуто). Умой.
Мар ке выльзэ туннэ тодӥды-а?
Пиналъёс верало.
Туж умой. Эшшо мае тодӥды?
Пиналъёс верало.
Ӟечокъёс. Умой ужамды понна пичи саламъёс сётӥсько (сётӥськом кампет). Ваньдылы тау! Выль пумиськытчозь, Визьпогъёс
Литература.
1. Боталова, Н. П. Зеч-а, бур-а, удмурт кыл! 4 класс: Учебник для русскоязычных учащихся общеобразовательных школ / Н. П. Боталова. – Ижевск: Удмуртия, 2013. – 144 с.