Тропарь Святителям Московским: Петру, Алексию, Ионе, Филиппу и Ермогену
Первопристольницы Российстии, /истинии хранителие апостольских преданий, /
столпи непоколебимии, Православия наставницы, /Петре, Алексие, Ионо, Филиппе и Ермогене, /Владыку всех молите /мир вселенней даровати, /и душам нашим велию милость.
Тропарь Ионе, митр. Московскому и всея России, чдтв.
Ярем Господень измлада восприим, /и Того стопам невозвратным желанием последовал еси, /и освященнаго подвига достигл, /святительства паству приим и чудес от Бога дары прият, /с верою приходящим к раце мощей твоих /подаеши различным недугом исцеление неоскудно, /отче наш Ионо, святителю Христов, /моли Христа Бога даровати нам велию милость.
Ин тропарь святителя Ионы, митрополита Московского и всея России чудотворца. Глас 3
Божественною благодатию просветився/ и по смерти показуя светлость жития твоего,/ источаеши мирови благоухания,/ притекающим к раце мощей твоих,/ и народи Московстии наставил еси ко свету богоразумия,/ Ионо, отче наш,/ моли Христа Бога/ даровати нам велию милость.
Тропарь Киприану, Фотию и Ионе, митр. Московским и всея Руси (Перенесение мощей)
Яко Светлаго Солнца светозарныя звезды, /Троическим Светом озаряете сердца верных, /пренесением честных мощей ваших, /Троицы сосуди явистеся чистии вашим житием, /и научисте люди твердо вере Христове, /и скверну отгнасте вашими святыми заповедьми, /и упасосте добре Христово стадо, порученное вам, /Богомудре Киприане, со славным Фотием и со Ионою твердым, /молитеся Христу Богу, да спасет души наша.
Тропарь Перенесение мощей
От юности твоея весь сам себе Господеви возложив, /в молитвах, и трудех, и в постех образ быв добродетели, /отонудуже видев Бог твое благое произволение, /архиерея тя и пастыря Церкви Своей устрояет. /Темже и по преставлении честное тело твое цело и нетленно соблюдеся, /Ионо святителю, / моли Христа Бога да спасет души наша.
Обретение и перенесение мощей святителей Киприана, Фотия и Ионы
Обретение и перенесение мощей святителей Киприана, Фотия и Ионы произошло 27 мая / 9 июня 1472 года во время строительства нового каменного Успенского собора в Кремле, при митрополите Филиппе (+ 1473, память 9 / 22 января) и великом князе Иоанне III (1462 - 1505). Этот же год считается годом их прославления. Впоследствии в 1479 году они были положены в новом построенном соборе. Отдельные памяти святителям совершаются: митрополиту Киприану (+ 1406, 16 / 29 сентября), митрополиту Фотию (+ 1431, 2 июля), митрополиту Ионе (+ 1461, 31 марта).