Мәтінді оқып, түсінігін айтыңдар.
2-жаттығу
Мәтіндегі сан есімдерді теріп жазыңдар.
3-жаттығу
Берілген сандарға -ау,-еу қосымшасын жалғап жаз
1. Бір
2. Екі
3. Үш
4. Төрт
5. Бес
6. Алты
7. Жеті
4-жаттығу
Біреу, екеу, бесеу, алтау, жетеу жинақтық сан есімдерін қатыстырып сөйлем құраңдар.
5-жаттығу Венн диаграммасы Сан емсімдерді салыстыру
6-жаттығу
Мақал –мәтелдерді жаттап алыңыз
Бірінші байлық-денсаулық,
Екінші байлық-ақ жаулық,
Үшінші байлық-он саулық.
Аларманға алтау аз, берерменге бесеу көп.
Алтау ала болса, ауыздағы кетеді,
Төртеу түгел борлса, төбедегі кетеді.
Сабақтың тақырыбы: Бөлшектік сан есім.Француз саяхатшысы
Г. Мозердің қазақ жеріндегі саяхаты
Сабақтың түрі: теориялық, жаңа сабақты меңгеру.
Сабақты өткізу әдісі: Сұрақ-жауап, интерактивті тақтамен жұмыс істеу.
Сабақтың мақсаты:
Білімділік:
- Тіл білімінің салаларын меңгерту;
- Бөлшектік сан есімдердің жасалу жолдарын меңгерту;
-Студенттерге ана тілінің қадір-қасиетін ұғындыру;
-Тілге құрметін, сүйіспеншілігін арттыру;
-Тіл арқылы халықтар достығын насихаттау, сөздікпен жұмыс жасау;
Дамытушылық:
-Студенттерге курстың міндеттерін түсіндіру;
-Тұрмыстық, қоғамдық саяси, оқу-мамандық, ғылыми мәселелерде ана тілінде сөйлеу білуге қажет екендігін түсіндіру;
-Орыс тілі мен қазақ тілінің негізі айырмашылықтарын;
Тәрбиелік:
- Студенттерді әдептілікке тәрбиелеу
- Мемлекеттік тілге деген құрметін нығайту;
- Білімгерлердің өз мамандықтарын сүюге тәрбиелеу;
- Ана тілінің қадір- қасиетін түсініп, оны құрметтей білуге, тапқырлық, іздемпаздық қасиеттерге жетелеу, шығармашылыққа баулу.
Сабақ уақыты: 90 минут
Сабақтың құрылымы:
1. Ұйымдастыру кезеңі 5 мин.
2. Үй тапсырмасын сұрау 20 мин.
3. Жаңа тақырыпты түсіндіру 40 мин.
4. Жаңа тақырыпты бекіту 15 мин.
5. Сабақты қорытындылау 5 мин.
6. Үй тапсырмасын беру 5 мин.
Сабақтың барысы:
Ұйымдастыру кезеңі:
Оқушылармен амандасу. Оқушылардың сабаққа қатысын тексеру. Оқушылардың сыртқы келбеттеріне көңіл аудару. Сабаққа қажетті құрал-жабдықтарының бары-жоғын тексеру. Оқушыларды сабақтың тақырыбы және жоспарымен таныстыру.
Теориялық білімнің қажеттілігі:
Оқытушы бақылау сұрақтарын қою арқылы оқушылардың біліміне тексеру жүргізу.
Жаңа сабақты түсіндіру:
Оқытушы оқушыларға берілген жаңа тақырыпты түсіндіреді.(тақырыпқа байланысты негізгі сұрақтар).
Сабақтың қорытындысы:
Оқытушы сабақты толығымен жүйелейді, әрбір оқушының жұмысын бағалай отырып, олардың жетістігі мен кемшіліктерін ескереді. Олардың сабақты меңгергенін сұрақ-жауап арқылы анықтайды.
Оқытушы төмендегідей критерийлер бойынша оқушылардың жасалған жұмыстарына баға қояды:
· Өткен тақырып бойынша бағалау;
· Жақсы жауаптарды ескеру;
· Жаңа тақырып бойынша білімдерін бекіту және қорытындылау;
· Тақырып бойынша жаттығулардың орындалуын тексеру;
· Қорытынды баға қою
Үйге тапсырма беру:
Француз саяхатшысы Г. Мозердің қазақ жеріндегі саяхаты мәтіні бойынша түсініктерін айту. Грамматикалық тақырыпты оқып келу.Бөлшектік сан есімдерге мысалдар жазу.
Бөлшектік сан есім
Бөлшектік сан есімдер-таза математикалық ұғымға негізделген сөздер.
Бөлшектік сан есімнің құрамы
1. Сөздердің бірінші сыңары ілік септікте, екінші сыңары тәуелдік жалғауда тұрады: үштің екісі, онның бірі.
2. Бірінші сыңары шығыс септікте, екінші сыңары тәуелдік жавлғауда тұрады:екіден бірі, оннан бесі.
3. Бірінші сыңары шығыс септікте, екінші сыңары атау септігінде тұрады: оннан төрт, мыңнан бір
4. Есептік сан есімдерге жарым, ширек, жарты сөздері тіркеседі: үш жарым, төрт ширек.
