Священномученику Вл а́ сию, епископу Севастийскому
(день памяти 11/24 февраля)
Тропа́рь, глас 4:
И нра́вом прича́стник, / и престо́лом наме́стник апо́столом быв, / дея́ние обре́л еси́, Богодухнове́нне, / в виде́ния восхо́д, / сего́ ра́ди, сло́во и́стины исправля́я, / и ве́ры ра́ди пострада́л еси́ да́же до кро́ве, / священному́чениче Вла́сие. / Моли́ Христа́ Бо́га // спасти́ся душа́м на́шим.
Конда́к, глас 2
Боже́ственное прозябе́ние, цвет неувяда́емый, / лозы́ Христо́вы розго́ многострада́льная, Богоно́се Вла́сие, / ве́рою чту́щия па́мять твою́ весе́лия твоего́ испо́лни, // моля́ся непреста́нно о всех нас.
Священномученику Харал а́ мпию, епископу Магнезийскому
(день памяти 10/23 февраля)
Тропа́рь, глас 4:
Я́ко столп избра́нный Це́ркве Христо́вой / и свети́льник присносве́тлый всея́ вселе́нныя, / прему́дре показа́ся, Харала́мпие, / возсия́ в ми́ре муче́нием, / разруши́ и́дольское мракобе́сие, блаже́нне, / сего́ ра́ди яви́ся предста́тель Христу́, // моли́ся спасти́ся нам.
Тропа́рь, глас 4:
Страстоте́рпцу Харала́мпию присту́пим / и о́бразу его́ поклони́мся, от се́рдца вопию́ще: / му́чениче Харала́мпие и о́тче, / от вся́каго обстоя́ния и всех бед свои́х раб изба́ви нас, // в це́ркве твоея́ вы́ну пребыва́ющих.
Конда́к, глас 8:
Подо́бствовав благода́тию свяще́нства, сла́вне, / Це́рковь све́тло укра́сил еси́ Боже́ственным страда́нием, / е́же за Христа́ прия́л еси́ до́блественно, ра́дуяся, Харала́мпие, / честны́й свети́льниче всеми́рный, осиява́яй концы́,// я́ко непобеди́мый.