Тропари Пресвятой Богородице в честь икон ея
«Помощница в родах», глас 4:
(празднование – 26 декабря / 8 января)
Ангелов ли́цы благоговейно Тебе́ слу́жат, / и вся Си́лы Небе́сные немолчными гласы Тя ублажа́ют, / Помо́щнице в ро́дах, / усе́рдно молим Тя, Богоро́дице, / да пребу́деши в славе Го́спода, / чрез ико́ну Тобою явле́нную / и светозарный луч славы чуде́с Тво́их / да восхи́тит от тьмы, с ве́рою Тебе́ моля́щихся // и вопиющих Бо́гу: Аллилу́иа.
Ченстохо́вская, или "Непобедимая Победа", глас 4:
(празднование - 6/19 марта)
Непобеди́мая Побе́до, / Влады́чице Ченстохо́вская: / древняго и́же о нас благоволения Самозри́тильнице, / бу́дущаго спасения Храни́тельнице: // покаянием соделай ны новыя но́вому Царю.
Праведному Фе о́ дору (Ушакову) воину, Санаксарскому
(день памяти 2/15 октября, прославление – 23июня/5 августа, 5 июня – Собор Ростово-Ярославских святых)
Тропа́рь, глас 1:
Держа́ве Росси́йстей архистрати́г непобеди́мый яви́лся еси́, / ага́ринскую зло́бу нивочто́же вмени́в и разори́в: / не сла́вы мирски́я, ниже́ в бога́тства взыску́я, / но Бо́гу и бли́жнему послужи́л еси́, / моли́, свя́те Фео́доре, / во́инству на́шему дарова́ти на враги́ одоле́ние, / оте́честву во благоче́стии непоколеби́му пребы́ти, // и сыново́м Росси́йским спасти́ся.
Конда́к, глас 2
Архистрати́же Росси́йский, / служи́телю наро́да Бо́жьего,/ ни́щих и угнете́нных свободи́телю, / нечести́вых наказа́телю, / поле́зное нам проси́ и ве́лию ми́лость, // я́ко спобо́рник наш пра́ведне боля́рине Фео́доре.
Святому праведному Павлу Таганрогскому
(день памяти 10/23 марта, прославление – 7/20 июня)
Тропа́рь, глас 4:
Оте́чества Небе́снаго взыску́я, / до́м роди́телей твои́х оста́вил еси́. / Тле́нное бога́тство ми́ра презре́в, / обогати́лся от Господа мно́гими чудесы́ и зна́меньми. / Воздержа́нием, трудом и моли́твою насладился еси́, / образ жития благочестивого являя́. / Те́м же и ныне с ве́рою приходя́щим к тебе́/ во вся́цех напа́стех помога́еши: / Блаженне о́тче Па́вле, / моли́ Христа́ Бо́га, // спасти́ся душа́м на́шим.
Конда́к, глас 8:
Си́лу Бо́жию в не́мощи стяжа́л еси / и боже́ственныя благодати сосуд избра́нный яви́лся еси́, / те́мже от Небе́сного Врача дар исцеле́ния прии́м, / недуги наша теле́сныя и душевныя врачу́еши, / пра́ведне отче Па́вле, моли́ Христа́ Бо́га // спасти́ гра́д и лю́ди, тя почита́ющия.