Фидан ваннанан сыға. Бүлмәнән Зифа сыға.
Зифа: Ҡәҙерлем, шулай ашығаһыңмы?
Фидан: Әйтәм бит совещание тип.
Зифа: Бөгөн Гөлсөм дә һуң ҡайта.
Фидан: Кейемем ҡайҙа ул?
Зифа: Тағы шаяртаһыңмы?
Фидан: Ул һин шаяртаһың. Мине ебәрмәҫ өсөн әллә нимәләр уйлап табаһың?
Зифа: Минең күлдәгем ҡайҙа?
Фидан: Зифаҡайым, бөгөн, исмаһам, шаярмасы? Совещаниеға һуңлайым бит. Ҡарале, был ниндәй балалар костюмы?
Зифа: Был ниндәй ҡыҙыҡайҙар күлдәге?
Фидан: Яңы квест уйлап сығарҙыңмы?
Зифа: Ҡәҙерлем, биллаһи әйтәм...
Фидан: (Кер йыуғыс машиныһын ҡарай) Бында ла юҡ. Улай булғас, фатирҙа ен бар инде.
Зифа: Әстәғәфирулла! Бисмилла! Бисмилла! Тфү! Тфү! Фидан, әллә Хоҙай Тәғәлә үҙе беҙҙе иҫкәртә микән? Балалар кейеме. Гонаһ эш ҡылмаҫҡа, балалар кеүек таҙа булырға саҡырыуы түгел микән был Хоҙайҙың?
Фидан: Ни арала костюмым бәләкәсәйгән?
Зифа: Бала ғына сағымда ошоға оҡшаш күлдәгем була торған инем. Ә быныһы ниндәй күлдәк?
Фидан: Бәй, был бит Рәшиҙәнең күлдәгенә оҡшаған.
Зифа: Ниндәй Рәшиҙә?
Фидан: Минең закунный ҡатын.
Зифа: Тимәк, был все таки һинең шаярыуың.
Фидан: Нисек килеп сыҡҡан бында ул? Әллә ысынлап та, Хоҙай...
Зифа: Был фатирҙа ниндәйҙер ғәжәйеп көс барлығын кисә үк һиҙенгәйнем мин. Иҫеңдәме, әле генә ошонда йәшел папка ята ине, ҡайҙа булды тип аптырауыма һин ишеү көлөп ҡараның.
Фидан: Кисә кер йыуғыс машинаһында кейемдәремдең ятыуы ла һинең эшең түгелме әтеү?
Зифа: Юҡ, ҡәҙерлем, әлбиттә.