Припев: Пресвята́я Богоро́дице, спаси́ ·нас.
Богородичен : Бо́га заче́нши во чре́ве, Де́во, Ду́хом Пресвяты́м,/ пребыла́ еси́ неопали́ма,/ поне́же Тя купина́ законополо́жнику Моисе́ю,/ пали́мую нежего́мо, я́ве предвозвести́,// огнь нестерпи́мый ·прие́мшую.
Кано́н Богоро́дицы, глас ·1:
Припев: Пресвята́я Богоро́дице, спаси́ ·нас.
Тропарь: О́блак Тя ле́гкий нело́жно, Де́во, имену́ем,/ проро́ческим возсле́дующе рече́нием:/ прии́де бо на Тебе́ Госпо́дь/ низложи́ти еги́петския пре́лести рукотворе́ния,// и просвети́ти сим ·служа́щия.
Припев: Пресвята́я Богоро́дице, спаси́ ·нас.
Тропарь: Тя запеча́танный вои́стинну лик проро́ческий исто́чник,/ и заключе́нную дверь именова́, де́вства Твоего́, Всепе́тая,/ я́вственне зна́мения нам пи́шуще:// е́же сохрани́ла еси́ и по ·рождестве́.
Кано́н Креста́, глас ·1:
Припев: Сла́ва Го́споди, Кресту́ Твоему́ ·Честно́му.
Тропарь: И́же во о́бразех проначерта́емый, соверша́я пресла́вная чудеса́,/ ны́не покланя́емый Крест де́йствует чу́днейшая,// освяща́я и просвеща́я Зижди́теля ·сла́вящия.
Припев: Сла́ва Го́споди, Кресту́ Твоему́ ·Честно́му.
Тропарь: И́же во бране́х Боже́ственная побе́да, Крест Христо́в покланя́емь,/ ополче́ния враго́в побежда́яй,// подава́ет лю́дем правосла́вным кре́пкия ·побе́ды.
Припев: Сла́ва Го́споди, Кресту́ Твоему́ ·Честно́му.
Тропарь: И́же Госпо́день покланя́емый Крест благоче́стно/ Боже́ственныя благода́ти и каже́ния мы́сленна исполня́ет покланя́ющияся ему́// и о́блаки напа́стей отъе́млет и ·скорбе́й.
Припев: Пресвята́я Богоро́дице, спаси́ ·нас.
Богородичен : От глубины́ ле́стныя извлече́ челове́чество/ из Тебе́ Рожде́йся Дре́вом Кре́стным, Богоро́дице,// и возвы́си к разуме́нию Своему́ благоче́стно Тя ·сла́вящия.
Кано́н пра́ведного Евдоки́ма, глас ·2: