Хафиз тагын тупны төбәде .
— Бигрәк читен , « җитмеш алтылым » ,
Соңгы снарядны атуы . . .
Сәгыйтов үрмәли флангтан :
— Патрон ! . . Патрон бетте , капитан . . .
Савченко да бәйли ярасын :
— Эләктерде . . . Әй , мать якасын ! . .
Хәер , була әле түзеп ,
Гитлерның бугазын өзеп . . .
Әйтте берсе ачуланып :
- Утырмачы , әй , кыланып !
Снаряд юк . . . патрон бетте . . .
Гитлер инде сиңа тү-тү...
— Снарядлар юкмы ? . . Төкер !
Биреп торыр безгә Гитлер . ..
Капитан, туды бер фикер :
Үрмәләсәк өч йөз метр - - -
Тора немец « пантера » сы .
Пулеметы , тубы төзек —
Борып кына бит куясы . . .
Бирсәң әгәр фатихаңны . . .
Кочып үпте Хафиз аны .
— Шалаев ! Өчәү каласыз . . .
Каплар өчен аткаларсыз .
Җитә алсак , безнең эздән
Шуышырсыз өчегез дә . . .
Дүрт солдат , җиргә сырышып ,
Китте түш белән шуышып .
Өч йөз метр — якын ара ,
Тик ут eрып барсаң - ерак :
Өч йөз метр – ө ч йөз үлем ,
Ә солдатта тик бер йөрәк !
Шуышып өч солдат бара ,
Якынлаша « пантера » га .
Бүлмәкчедер Хафиз юлын —
Ук тиеп яндырды кулын .
Елан түгел , фашист чакты .
Яра бәйләп торыр чакмы ? —
Ашыктылар , шуыштылар
Немецлардан ышык якка .
Танк өстендә үле фашист ,
Бәбәкләрен терәп каткан .
Савченко cөйрәп төшерде :
— Теш ! Төшә торган төштер бу . . .
Үзе шундук люкка чумды ,
Артиллерист - танкист булды .
Артыннан ук Хафиз керде :
— Тәмугтан соң оҗмах ! — диде .
Ә икесе тышта калды ,
Танк астында урын алды .
Фридларга табан борып ,
Пулеметын куйды корып .
Савченко кемнән сорасын :
— Башняны ничек борасы ? . .
Хафиз моның җаен тапты ,
Ниндидер төймәгә басты —
Башня , гүелди - зырылдый,
Немецка каршы борылды .
Шуны гына көткән кебек ,