Кышкы суыкның зәһәре .
Берни юк . . .
Бар — солдат һәм аның күңелендә
Фашистка ләгънәте , каһәре .
Бар — афәт , һәлакәт ,
Өзлексез горасәт :
снаряд . . .
миналар . .
ярчыклар. . .
пулялар . . .
бомбалар ..
Бар — штаб ,
Штабта - телефон .
Трубкада тавыш :
- Бишенче атака . . .
Кайтарырбыз .
Бу — Хафиз авазы
Ут эченнән килә .
Сугышның эссе сулышы
Трубкадан да бөркелә .
Шартлау - гөрселдәүдән
Микрофоннар зыңлый .
Штаб ут эченнән
Капитанны тыңлый :
- « Пантера » лар яна . . .
Үрмәли пехота ,
Сыйлыйбыз фашистны .
Хәзергә эш ходта .. .
Сугышта һәр минут —
Озын гомер кебек.
Телефоннар зыңлый ,
Хәбәр тора килеп :
- Сирень , Сирень , Сирень ! —
Трубкада тавыш :
( Тавыш түгел , сагыш ,
Кайгы шулай чыңлый ! )
Татар егете сөйли ,
Россия тыңлый :
- - Приказны үтибез . . .
Югалтулар бик зур .
Соңгы сулышкача
Без торырга әзер . . .
*********************
Җ иргә төн килде ,
Тынлык килмәде :
Сугыш үкерде ,
Сугыш гүләде .
Җ иргә төн килде,
Төн ялкын сулады .
Төн чәчте үлем ,
Чәчкәнен җ ыймады . . .
Кыр телефоны штабта ,
Хафиз хәбәр итә :
— Унау гына калдык . . .
Снарядлар бетә …
- Түзегез , иптәш капитан !
Түзегез , Фәттахетдинов !
Ярдәмгә ашыга гвардия ,
Таңгача җитәр килеп .
Ә сугыш көтми таңны :
Немец үрмәли тагы .
СО ң ГЫ СУГЫШ
Алар унау иде . . .
Ун кеше ! -
Бергә үскән ун имəн төсле .
Ун имәнгә давыл каныкты . . .
Давыл булып , дошман калыкты .
Ничек кенә килеп сугылмый —
Юк , сыгылмый имəн , сыгылмый .
Үкерешеп килде танкылар . . .
Әйтте Хафиз :
— Ганин, каршы ал .
— Огонь ! . .
Пушка — « Җитмеш алтылы»
Чүкеп кенә алды танкыны!