Ләззәт аңа асу , үтерү .
Ул башлады канлы бу сугышны ,
Безнең өстә аны бетерү .
Хезмәтләрне шуңа үзгәрттек без :
Игенче дә солдат , шахтер да . . .
Тавык та суймаган егетләрне
Әйләндерде сугыш батырга . ..
Усалландык ,
Хәтəр усалландык ,
Чыныктырды сугыш йөрәкне :
Шәфкатьсезгә йөз кат шәфкатьсезлек
Күрсәтергә безне өйрәтте . . .
Яшь капитан
Землянкада яткан
Солдатларын күздән кичерде .
Һәм уйларын , шигъри юллар итеп ,
Блокнот битенә күчерде .
. . . Олы җанлы гади кешеләрнең
Нәфрәтенә , немец , юлыктың .
Ничек өтеп , ничек пешергәнен
Син күрерсең әле бу утның .
Җ ир өстендә ул куырыр сине ,
Җир астында көлгә калдырыр .
Күккә менсәң — орыр үч яшене ,
Суга чумсаң — суда яндырыр .
Шул шәфкатьле җаннар нәфрәтеннән
Патша тәхетләре көл булды .
һәм шуларның мәхәббәте белән
Көл өстендә Рәсәй гөл булды .
Тамырлары аның йөрәкләрдә ,
Чәчәкләре безнең күзләрдә .
Күкрәкләрне пуля тишсә тишәр ,
Бирмәбез ул гөлне өзәргә .
Сталинград — Россия !
Сталинград - артерия ,
Ил йөрәге аңа кан бирә .
Тәтесә монда , фашист , сиңа —
Тәтер иң күбе
Өч аршын җир генә .
Менә шул , доннер - веттер !
Башка чара юктыр :
Ясиныңны
« Катюша » лар укыр . . .
Кәгазь өстендә карандаш
Уйлар киләбен сүтә . . .
— Иптәш капитан , сезне
« Атакай » үзе көтә. . .
Генерал карандашы картада
Кара түгәрәк сызды . . .
— Карагыз , капитан :
Бу — иң хәтəр урын . . .
Басаргино разъезды !
Монда фашистларның иң чаялары :
« Үле баш » дивизиясе.
Хәзер үк эшкә тотынып ,
Шуларны изәсең !
Җир белән тигезлә үзләрен ,
Кызганма утны !. .
— Приказ ачык , иптәш генерал ,
Өздермәбез фронтны . . .
**************
— Огонь !
Йөзләгән авызда — бер генә команда .
Сталинград янында далада
Янмаган
Бер уч туфрак та
Калмаган .
Аумаган
Әрем дә юк.
Сугыш барын да
Өзгән . . .
Изгән . . .
Таптаган . . .
Әйтерсең , бу җирдә
Калмаган берни дә :
Көн дә юк ,
Төн дә юк,
Таң да юк .
Алда – ут , Артта — ут,
Янда - ут !
Башка берни юк .
Калган тик
Дала киңлегендә