Сталинград - дәһшәтле сугыш !
Бәрелешә үлем белән тормыш ,
Бәрелеш үзәге - Иделдә .
Сталинград — баррикадалар !
Таштан түгел алар ,
Таш монда — көл .
Корычтан да , тимердән дә түгел ,
Корыч монда шартлап сына ,
Тимер эри .
Баррикадалар — тере .
Солдат йөрәгенең ныклыгыннан ,
Мәхәббәт һәм нәфрәт бетоныннан
Корылган алар —
Сталинградта баррикадалар .
Бүген Ике дөньяның чиген
Эзлисе юк башка урыннан.
Уза ул моннан —
Баррикадалар кырыннан.
Чик — монда!
Аның як-ягында
Миллионлаган ике армия --
Ике фәлсәфә,
Ике идея,
Ике дөнья
Бер җир шарында.
Берсе — без :
Владимирлар . . .
Хафизлар .. .
Рубеннар. . .
Иваннар . . .
Без – кеше булып туганнар ,
Кеше булып тормыш корганнар .
Шулай яшәргә дә телибез ,
Үлемне буып йерибез :
кешелекне яклыйбыз ,
намусын саклыйбыз .
Безгә юлдаш - гуманлык ,
Гаделлек , туганлык .
Икенчесе :
Ганслар . . .
Францлар . . .
Фрицлар . . .
Иоһаннар . . .
Болар да кеше булып туганнар .
Тик аларга
Кеше булырга бирмәгәннәр :
Свастикалы биләүгә биләгәннәр ,
Свастикалы бишеккә яткырганнар,
Свастикалы имезлек каптырганнар .
Сукыр эчәктәй кисеп алганнар
Кешелек хисләрен .
Алар урынына салганнар
Свастика кисәген .
Болар
Планетаны тарсыналар .
Кешелек җилкәсенә свастикалы ияр салырга ,
Менен атланырга талпыналар .
Боларга артык йөк - гуманлык ,
Рухи чүп - гаделлек , туганлык . . .
һәр хезмәтнең үз ләззәте була ,
Белми икэн моны кем генә .
Сандалларда корыч чыңлаганда ,
Тимерченең күңеле сөенә .
Сабан сөрсәң , үзең урыр җирдә ,
Буразналар калса күпереп —
Шундый лəззəт туа күңелеңдә ,
Шатлыкларның чиге юк кебек !
Фашист белми мондый куанычны ,