Советка хәләл бүләгем шул . ..
Тормады бүтән сүз озайтып ,
Дүрт олaуны куйды озатып .
Игенчедән - Советка алтын бодай ,
Чемберленга ярыйсы җавап болай! . .
Әтиләренең асыл кеше булуын
Малайларга Хафиз сөйләде,
Озынлыгын юлның ,
Оныттырырга бик теләде .
Белмәде :
сүзләренең
бәгырьләрне көйдереп алуын .
Күрмәде:
зур коңгырт күзләрдән
яшьләр тамуын .
Алар үткән юлда әз калды :
Яшьләр тамган урында кар янды .
Кар янды , ә малайлар түзде .
Әйтте Зиннәт :
— Әтинең Кара пичәте килде …
Э х , юатасы иде
Шул ике баланы !
Ныгымаган иңгә
Төшкән хәсрәт тавы ,
Нужа йөге имгәтмәсме аларны ? !
Рюкзакта — командир паегы:
Сохари. .. Шикәре дә бар . ..
Биреп калдыр , Хафиз , син аны ,
Бер сөенсен балалар !
— Малайлар ,
Менә сезгә азрак күчтәнәч . . .
Ягез, тартынмагыз , алыгыз . . .
Бик ярата иде бит сезне
Укытучы Хафиз абыегыз ,
— Рәхмәт , Хафиз абый ! . .
Әй, ул чакта
Уйламадык шулай дияргә :
Бик ачыккан идек,
Бик ашыккан идек
- өйләргә .
Әйтелмичә калган рәхмәтләрне
Күңелемдә саклап йөредем .
Синең белән кышкы юлдан үткән ,
Салкын карга кайнар яшен түккән ,
Солдат паегыңнан авыз иткән
Малайларның берсе мин идем .
Хәтеремдә : эре - эре атлап,
Караңгыга кереп югалдың .
Газаплы булгандыр , әрнүле булгандыр
Уйларың :
— Эх , дөнья !
Юатырга була берәүне ,
Күкрәгеңә кысып .
Ә меңнәрне ? . .
Булмый барын да кочып .
Моның өчен кирәк
киң колач ,
киң күкрәк .
Җиңү !
Син кирәк ,
Бары син кирәк !