Сынды Җир шарының тынычлык күчәре .
Җир әйләнә сугыш күчәрендә ,
Хәрәкәтен һәркөн тизләтә .
Ленин иле — бәрелеш үзәгендә ,
Кешелек аның пульсын күзәтә:
— Мәскәү түзәрме ?. .
— Мәскәү җиңәрме ? . .
Хәвеф бик зур : хәтта Мисырда
Пирамидалар да борчуда :
— Герман җиңсә ... фашист безне дә
Туган җиребездән аерыр .
« Түбән раса » җилкәсендә илтеп ,
Берлин тирәсенә салдырыр . . .
Совет җире дөрли ! . .
Ярдәмгә Союзниклар никтер ашыкмый.
Исәпләре — иген өлгергәч ,
Сугып кына алу ашлыкны .
Мәскәү белә холкын аларның,
Өзеп сорый шуңа Лондоннан :
— Ник икенче фронт күренми ?
Килешү бар . . . Имза куелган ! . .
Җавап таба Черчилль ( 1) — карт бүре ,
Комга терәлсә дә көймәсе :
— Солдатларга чалбар тегәргә
Җ итеп бетми ычкыр төймәсе .
Кирәк тагын бик күп каптырма , —
Табу әмәленә керештек . . .
Лондон томанында адашып
Йөри әле хаклык - дөреслек .
Россиянең җае - мəле юк
Каптырмалар эзләп уйнарга .
Ул озата газиз улларын
Кан кызарткан карлы юлларга .
Рәсәй коя Урал корычын,
Яшеннәрдә чарлый кылычын .
Сәгать сугар — яшьнәр ул кылыч
Фашист - елан башы очында.
Дүрт башын да кыеп төшерер
һәм яндырыр нәфрәт утында .
(1) Черчилль — икенче бөтендөнья сугышы вакытында Англиянең премьер-министры.
Үлем кичеп исән калганнар
Сәлам бирер җиңү таңына .
Бүгенгесе авыр . . .
Чигенү ! . .
Тоз сала , әй , солдат канына .
Ялкын сулый Хафиз , ут йота ,