Оҕолор видеоролик көрөллөр.
(3 мүн. 17 сөк.)
III чааһа.
ТҮМҮК
УЧУУТАЛ: А.Е. Кулаковскай-Өксөкүлээх Өлөксөй оҕо сааһыгар эргиллиэххэйиҥ. Кини улаатарыгар эһэтэ Куонааскы Ньукулай улахан оруолу оонньообута. «Таатта эбэ хотун арҕаа эҥэригэр «Араҥас» диэн сиргэ Куонааскы Ньукулай уолугар Тэрээки Өлөксөөндүргэ дьукаахтаһан олорбута дииллэр. Оҕонньор сиэн уолун ааҕарга, суруйарга, ону таһынан судургу суокка эмиэ үөрэппитин туһунан кэпсииллэр. Сытыы-хотуу, түргэнник өйдүүр тэһиттэҕэс мэйиилээх, билиэн-көрүөн баҕалаах сиэнин эһэтэ дьиэ иһинэн-таһынан үлэҕэ-хамнаска балачча такайдаҕа, дьарыктаатаҕа. Аны устар ууну сомоҕолуур уус-уран тыллаах эбэтэ Ирина Алексеевна дьиэ иһинээҕи дьону кытары таабырын таайсан, сиэннэриниин остуоруйалаһан, хараҥа киэһэлэргэ утуйуохха диэри кэпсэтэллэр эбит. Эр дьон былыргы сэһэннэри-номохтору кэпсэтэн, уолчаан болҕомтотун күүскэ тартахтара, билиэх-көрүөх баҕалаах оҕо айдарыга эрдэ аһылыннаҕа», – диэн видеоҕа көрөн аһарбыппыт курдук, кинигэ ааптара Екатерина Петровна Чехордуна «Өксөкүлээх оҕо сааһын эйгэтэ» кинигэтигэр суруйбута.
УЧУУТАЛ: Билигин мин мотивационнай карточкалары түҥэтиэм. Бу карточкалар эһиэхэ закладка быһыытынан илдьэ сылдьаргытыгар наһаа үчүгэй буолуо.
(Учуутал түҥэтэр)
УЧУУТАЛ: А.Е. Кулаковскай-Өксөкүлээх Өлөксөй “Оттоку олук алгыһа” хоһоонун түмүгэр инники эппит cанаатын бу үс строкаҕа чиҥэтэн суруйбут эбит:
Үгүс үөрүүлээх күннэн,
Уһун уруйдаах олохтон,
Салпат саргылаах саастан!
УЧУУТАЛ: Бу строкалары хайдах-туох өйдүүргүтүн карточка кэннигэр эбэтэр лиискэ сурунуҥ. Билбэт тылларгытын быһаарыыга көрүҥ (бүтэһик слайд).
(Оҕолор үлэлииллэр)
Учуутал уруок түмүгэр оҕолор эппиэттэрин ыйыталаһар, быраһаайдаһар, уруогу түмүктүүр.