Дьарык тиэмэтэ: «Дойдуһа дьон холобурдара» .
«Дьоһуннааҕы кэпсэтии» : VIII-IX кылаас үөрэнээччилэригэр аналлаах кылаас чааһа.
Дьарык тиэмэтэ: «Дойдуһа дьон холобурдара» .
Ыытыллар күнэ: Балаҕан ыйын 18 күнэ, 2023 сыл.
Сыала-соруга:
· Төрөөбүт дойдуга, норуокка бэриниилээх буолуу, дойду инникитин бэйэ олоҕунааҕар үрдүктүк тутуу.
· Дойду геройдарынан киэн туттуу, ааттарын үйэтитии
· Дойдуһа киһи, дойдунаат туһунан кэпсэтиһии.
Үөрэтэр сыаннаһа. Ытык өйдөбүл: Төрөөбүт дойдуга бэриниилээх буолуу.
Ыытыллар бириэмэтэ: 30 мүнүүтэ.
Дьарык хаамыыта: кэпсэтии, мультимедийнэй матырыйаалларга олоҕуран бииргэ үлэлээһин, тургутугу толоруу.
Дьарык тутулун сценарийа
I чааһа. БИЛСИҺИИ
Кэпсэтии ханнык тиэмэҕэ барарын билсиһии.
(8 мүн.)
УЧУУТАЛ: Үтүө күнүнэн, оҕолор! Киһи ыарахан түгэҥҥэ уйана-хатана биллэр. Төрөөбүт дойду уонна олох икки ардыгар талларар түгэннэригэр төрөөбүт дойдуларын талан олохторун толук уурбут дьон Дойду Геройа аатыраллар, ааттарын үйэлэргэ ааттаталлар. Эһиги ханнык геройдары билэҕит? Ханнык хорсун быһыылары кинилэр оҥорбуттарай?
(Оҕолор эппиэттииллэр)
УЧУУТАЛ: Маладьыастар, дойдубут геройдарын үчүгэйдик билэр эбиккит. «Герой» диэн тылы иһиттэххитинэ хараххытыгар хайдах уобарас көстөрүй?
(Оҕолор эппиэттииллэр)
УЧУУТАЛ: Сөпкө этэҕит. Үгүспүтүгэр күүстээх-уохтаах эр киһи, саллаат уобараһа көстөр. Ол эрэн, герой кыргыттар биһиги дойдубут историятыгар эмиэ бааллар. Олортон биир бастакынан Зоя Космодемьянская бу үрдүк ааты ылбыта. Кини хорсун быһыытын туһунан видео көрүөҕүҥ.
Зоя Космодемьянская туһунан видео. Александр Михайлович Абрахов – история уонна обществознание учуутала.
(Видео. 2 мүн.26 сөк.)