8. а) Послушай рассказ Нины и скажи, о ком её сестрёнка написала заметку в детский журнал.
Менам ичӧтджык чой велӧдчӧ коймӧд классын. Сiйӧ зэв ёна радейтӧ «Би кинь» журнал. Окотапырысь видзӧдӧ челядьлысь серпасъяс, тӧдмалӧ нӧдкывъяс да ребусъяс. Медъёна чой радейтӧ лыддьыны журнал лист бокъясысь челядьлысь висьтъяс. Нывкаяс да зонкаяс гижöны радейтана гортса пемӧсъяс йылысь, рӧдвуж да чужанiн йылысь. Ӧтчыд Машукӧй гижис Катшыс пон йылысь висьт, и ми мӧдӧдiм сiйӧс «Би кинь» редакцияӧ. Кутшӧм нимкодь вӧлi миянлы! Машуклысь гижӧдсӧ да серпассӧ йӧзӧдiсны журналын! Ачыс старайтчис-гижис комиӧн.
| б) Аддзы да бырöд öшыбкаяссö, кодъяс лоисны сёрникузяясын компьютернöй вирус понда. | Найди и исправь неточности, которые появились в предложениях из-за компьютерного вируса. |
1) Ниналӧн чойыс велӧдчӧ нёльӧд классын.
2) Машук зэв ёна радейтӧ «Йӧлӧга» газет.
3) «Би кинь» журналын йӧзӧдiсны Машуклысь чужан сикт йылысь висьт.
4) Нина гижис висьтсӧ комиӧн, а ичӧтджык чойыс серпасалiс радейтана гортса пемӧссӧ.
5) «Би кинь» журналын челядь гижöны чужан сикт-кар да рӧдвуж йылысь висьтъяс.
6) Машук ачыс гижис радейтана гортса пемӧс йылысь висьтсӧ.
| в) Артмöд сёрникузяяссö да тэч найöс колана ногöн. | Восстанови предложения и расставь их в логическом порядке. |
1) гижӧдсӧ, журналын, да, йӧзӧдiсны, «Би кинь», Машуклысь, серпассӧ.
2) ёна, «Би кинь», кажитчӧ, Машуклы, журнал.
3) радейтана, гижис, пемӧс, висьт, йылысь, нывка.
4) видзӧдӧ, нывка, окотапырысь, серпасъяс, челядьлысь.
5) коймӧд, Ниналӧн, велӧдчӧ, чойыс, классын.
6) челядьлысь, лыддьыны, сiйö, радейтӧ, висьтъяс, медъёна.
г) Предположи, как называется рубрика, в которой напечатана заметка Нины.
9. Заинтересуй одноклассника в чтении твоего любимого журнала или газеты. Приведи убедительные аргументы.
| 10. План серти висьтав радейтана газет либӧ журнал йылысь. | Расскажи о любимом журнале или газете по плану. |
1) Радейтана журнал / газетлöн ним.
2) Кымынысь петö.
3) Кымын лист бок.
4) Газет / журналын юкӧнъяс.
5) Радейтана юкöн.
У роки 55-56
Дасьтам ичöт гижöд
Пишем заметку
| На уроке ты научишься |
| Писать заметку в газету или журнал на коми языке. |
1. а) Прочитай заметку мальчика, опубликованную в журнале «Би кинь», и выскажи предположение, к какому празднику она была написана.
Менам мам
Тайö неыджыд висьтсö ме кöсъя сины аслам мамлы. Мам – меддона, медся матысса, медся радейтана морт. Менсьым мамöс шуöны Жанна Валериевна. Сiйö дженьыд юрсиа, турунвиж синма, кузьмöс чужöма, ичöт тушаа. Сiйö уджалö школаын велöдысьöн, велöдö география. Сылöн кык челядь: ме да ичöт чой Лена. Ми ёна радейтам мамöс. Сiйö шань да киподтуя, быдтор кужö: чöскыда пусьö, вурсьö, кысьö, зэв мичаа серпасасьö. Öдйö кужö печатайтчыны компьютерöн. Интернетысь мам лыддьö выльторъяс, а сэсся висьталö миянлы. Таысь кындзи миян мам радейтö лыддьысьны. Сылы кажитчöны путешествиеяс да мöд странаяс йылысь небöгъяс. И миянöс тшöктö лыддьысьны, мед ми быдмим сюсьöн да быдтор тöдысьöн. Ми тэнö зэв ёна радейтам, муса мамук.
Ревеняла Владик
«Би кинь» журнал, 2013 во, №9
| б) Аддзы текстысь, | Найди информацию о том, |
1) Кыдзи шуӧны Владиклысь мамуксӧ.
2) Мый кужӧ да радейтö вӧчны зонкалӧн мамыс.
3) Кутшöм Владиклöн да Леналöн мамыс.
4) Мый лыддьö Владиклӧн мамыс интернетысь.
5) Мыйö велӧдӧ челядьсӧ Жанна Валериевна.
| в) Сет ёртыдлы тöдчöдöм кывъяс серти юалöмъяс да вочавидз сылöн юалöмъяс вылö. | Задай однокласснику вопросы к выделенным словам и ответь на его вопросы. |
2. Возьми в школьной библиотеке журнал «Би кинь» или газету «Йӧлӧга» и посмотри, какие рубрики они содержат. Порекомендуй своему однокласснику прочитать понравившиеся тебе рубрики.
Кöсъян кö тэ тöдмавны … йылысь, лыддьы «…» журналысь / газетысь «…» юкöн. Сэнi йöзöдöны … .
3. а) Послушай рассказ воркутинского школьника Данила Мишина и скажи, нравится ли ему изучать коми язык.
Менӧ шуӧны Данил, овӧй Мишин. Меным 13 арӧс. Велӧдча медводдза номера школаын, квайтӧд классын. Миян Воркута кар абу ыджыд, но мича да сӧстӧм. 2013-öд воын сiйö пасйис 70 во. Ме витӧд во нин окотапырысь велӧда коми кыв. Менсьым велӧдысьӧс шуӧны Светлана Владимировнаӧн. Сiйӧ зэв тöлка, шань да авъя. Урок вылын ми лыддям кывбуръяс, мойдъяс да висьтъяс, велöдам выль кывъяс, сёрнитам öта-мöдкöд комиöн. Тшöкыда кывзам коми сёрни да сьылам сьыланкывъяс. Меным кажитчӧ велӧдны коми кыв. Коми кыв зэв мича.
«Би кинь» журнал, 2014 во, № 4
| б) Висьтав, стӧчӧсь или абу стӧчӧсь сёрникузяясыс. | Определи, верны или не верны данные утверждения. |
1) Данил велӧдчӧ мӧд классын.
2) Данил мӧд во велӧдӧ коми кыв.
3) Зонкалы дас арӧс.
4) Данил олö ыджыд да мича карын.
5) Коми кыв велӧдысьсӧ шуӧны Марина Владимировнаӧн.
6) Велӧдысьыс тöлка, шань да авъя.
7) Коми кыв урок вылын челядь ворсӧны.
8) Коми кыв урок вылын челядь сьылöны кывбуръяс да лыддьöны сьыланкывъяс.
9) Урок вылын серпасалöны висьтъяс да мойдъяс.
10) Даниллы кажитчӧ велӧдны коми кыв.
|
|
| в) Висьтав мöд ногöн. | Скажи по-другому. |
1) Даниллöн чужан карыс – Воркута. 2) Данил – коймöд класса велöдчысь. 3) Зонка велöдö коми кыв мöд классянь. 4) Марина Владимировна – сылöн коми кыв велöдысь. 5) Коми кыв урокъяс вылын челядь велöдöны уна интереснöйтор. 6) Коми кыв – Даниллöн радейтана предмет. 7) Зонкалы кажитчö коми кыв.
| г) Видзöдлы Даниллысь серпасъяссö да висьтав на йылысь. | Рассмотри рисунки Данила и прокомментируй их. |
4. а) Прочитай заметку Полины Поповой из села Сторожевск и скажи,
о чём она.
Мича да мыла
Коми кыв меным зэв дона, сы вöсна мый комиöн сёрнитöны чой-вок, бать-мам, ёртъяс. Ми вöдитчам тайö кывнас быдлунъя олöмын, сiйö отсалö миянлы бура гöгöрвоны öта-мöдöс. Мöвпъяс миянлы кокньыдджык висьтавны комиöн.
Ми олам Коми Республикаын. Танi кык государственнöй кыв: коми да роч. Быд мортлы колö тöдны коми кыв, медым гöгöрвоны танi олысь йöзсö да кужны сёрнитны накöд.
Коми кыв зэв мича, мыла. Сiйö меным медся муса да дона. Кодi оз пыдди пукты ассьыс чужан кывсö, сiйö оз радейт бать-мамсö, оз радейт чужан мусö.
Попова Полина
«Би кинь» журнал, 2014 во, 6 №
| б) Эскöд, мый | Докажи, что |
1) Полина сьӧлӧмсяньыс радейтӧ чужан кывсӧ.
2) Полиналöн рӧдвужыс сёрнитӧ комиöн.
3) Колӧ радейтны да пыдди пуктыны чужан кывтӧ.
4) Коми кывйöн Полина вöдитчö быд лун.
| в) Висьтав 3-4 помка, мыйла колö велöдны коми кыв. | Приведи 3-4 аргумента в защиту необходимости изучения коми языка. |
5. а) Разработай план своей будущей заметки: определись с темой, названием, содержанием.
б) Используя план, напиши небольшую заметку по выбранной теме
в газету или журнал.
6. Вместе с одноклассником расспросите друг друга о написанных заметках: поинтересуйтесь темой, названием, содержанием и т.д.
